Təxəyyül Art Group
Təxəyyül ilə yaradıcılığınızı dünyaya tanıdın!
Burada hər bir əsər yalnız bir görüntü deyil – o, bir hissin, bir düşüncənin və təxəyyül dünyasının əksidir. Sərgimiz sənətin müxtəlif çalarlarını, yaradıcı baxışları və ilham dolu ideyaları bir araya gətirərək sizi unikal bir atmosferə dəvət edir.
Bu məkanda rənglər danışır, xəyallar canlanır, düşüncələr isə sənətə çevrilir.Hər bir işdə bir hekayə, hər bir detalda bir ruh, hər bir baxışda isə yeni bir ilham gizlidir.
Sizi “Təxəyyül ilə Yaradıcılığını Dünyaya Tanıt” sərgisində sənətin sehrini hiss etməyə, baxış bucaqlarını kəşf etməyə və yaradıcılığın sonsuz dünyasına səyahət etməyə dəvət edirik.
Rəsmlər
Dekorativ tətbiqi sənət
Şeirlər
YAŞA, AZƏRBAYCANIM!
Günəşin doğan yeri,
İgidlərin qan yeri.
Bu millətin şan yeri,
Yaşa Azərbaycanım!
Bu məğrur çağın ilə,
Bu dürr torpağın ilə,
Ucal bayrağın ilə,
qoşa, Azərbaycanım!
Tarix yazdı igidlər,
Düşmənə dağ çəkdilər.
Gəldi müsəlləh əsgər
Cuşa Azərbaycanım.
İllərdir ki, bu yuxu,
Şükür ki, bitir axı.
Dəyir düşmənin oxu
daşa, Azərbaycanım!
Analar rahat yatır,
Düşmənin səsi batır.
Qələbəylə il çatır
başa Azərbaycanım
Yaşa Azərbaycanım!
Vüsal Ağa
DARIXIRAM
Sənsizliyə şəfəq saçıb
Həsrətinə qucaq açıb
Hər arzuda sənə qaçıb
Darıxıram..
Sızlayıram həzin-həzin
Dodağımda dodaq izin
Qarış-qarış, dizin-dizin
Darıxıram..
Titrəyirəm külək kimi
Əlçatmazsan mələk kimi
Çırpınıram ürək kimi
Darıxıram...
Səsin gəlir, gülür üzüm,
Hardan gəldin ruh əkizim
Keşik çəkir yola gözüm
Darıxıram..
Tanrının dümmağ qarısan,
Sevincimin memarısan
Bəzən müşkül, bəzən asan
Darıxıram..
İstəklərim qucaq - qucaq
Sən qoxuyur hər künc, bucaq
Hamı xoşbəxtdir, Mən ancaq,
Darıxıram..
Sənsizliyə şəfəq saçıb
Həsrətinə qucaq açıb
Hər arzuda sənə qaçıb
Darıxıram..
Sızlayıram həzin-həzin
Dodağımda dodaq izin
Qarış-qarış, dizin-dizin
Darıxıram..
Titrəyirəm külək kimi
Əlçatmazsan mələk kimi
Çırpınıram ürək kimi
Darıxıram...
Səsin gəlir, gülür üzüm,
Hardan gəldin ruh əkizim
Keşik çəkir yola gözüm
Darıxıram..
Tanrının dümmağ qarısan,
Sevincimin memarısan
Bəzən müşkül, bəzən asan
Darıxıram..
İstəklərim qucaq - qucaq
Sən qoxuyur hər künc, bucaq
Hamı xoşbəxtdir, Mən ancaq,
Darıxıram..
ÜMİD VƏ SEVGİ
Yadlaşıb o gözlər, süzgün baxışlar,
İsti ümidlərim artıq soyuyub.
İtib, ləpələrdə yox olub izin,
Bu gecə dəniz də sənsiz uyuyub.
Ey dəniz elə bir dalğa gətirki,
Həsrətdən,kədərdən qoparsın məni.
Ümid gəmisini tezcə yetirki,
Sevgi limanına aparsın məni.
Gedənçün ağlamaq nəyi dəyişər,
Bir damla yaşa da dəyməz, dənizim.
Təkcə xatirələr bizlə görüşər,
O getdi, geriyə dönməz, dənizim.
Ümid, bir eşq üçün tükənib bitmə,
Qoyma qəm gölündə batım, amandı.
Susma, ey dənizim, yuxuya getmə,
O həzin laylanla yatım, amandı.
Yadlaşıb o gözlər, süzgün baxışlar,
İsti ümidlərim artıq soyuyub.
İtib, ləpələrdə yox olub izin,
Bu gecə dəniz də sənsiz uyuyub.
Ey dəniz elə bir dalğa gətirki,
Həsrətdən,kədərdən qoparsın məni.
Ümid gəmisini tezcə yetirki,
Sevgi limanına aparsın məni.
Gedənçün ağlamaq nəyi dəyişər,
Bir damla yaşa da dəyməz, dənizim.
Təkcə xatirələr bizlə görüşər,
O getdi, geriyə dönməz, dənizim.
Ümid, bir eşq üçün tükənib bitmə,
Qoyma qəm gölündə batım, amandı.
Susma, ey dənizim, yuxuya getmə,
O həzin laylanla yatım, amandı.
FOTOQRAFİYA
